İstiqamət: Bioloji sistemlər fizikası
1. Qanəvəzedilən kimi tətbiq olunan tibbi-bioloji polimerlərin (dekstran, PEQ, PVPD) suda məhlullarının müxtəlif fiziki və fiziki-kimyəvi metodlarla tədqiqi. Su-polimer ikifazalı sistemlərinin (SPİS) faza diaqramlarına və onların ayırdetmə qabiliyyətlərinə müxtəlif əlavələrin təsiri ilə “incə” və “kobud” ayirdetmədə istifadə oluna biləcək sistemlərin axtarışı, tədqiqi və tövsiyə edilməsi.
Mövzunun rəhbəri: professor Eldar Məsimov
İcraçılar: Eldar Məsimov, Alim Həsənov, Niyazi Həsənov, Leyla Ağayeva, Nicat Əhmədov
Məqsəd: Bioloji strukturların ayrılması və təmizliyinə nəzarət üçün istifadə olunan SPİS-lərin axtarışı, tədqiqi və tövsiyyə olunması
Nəticə: Tədqiqatlar nətiəsində məlum olmuşdur ki, su-polimer ikifazalı sistemlərə (SPİS) əlavə edilən müxtəlif təbiətli birləşmələr – duzlar, spirtlər, şəkərlər və s. SPİS-ləri (PEQ-D; PEQ-müxtəlif duzlar və s.) xarakterizə edən parametrlərin qiymətlərini dəyişdirir. Bu dəyişmələr SPİS-lərin faza diaqramlarında öz əksini tapır.
Təcrübi əhəmiyyəti: Bioloji hissəciklər qarışıqlarını ayırıb tədqiq etmək üçün istifadə olunan və müxtəlif ayırdetmə qabiliyyətlərinə malik olan SPİS-lərin axtarışı, tədqiqi və biotexnoloji proseslərdə tövsiyyə edilməsi kimi qarşıya qoyulan məqsəd öz həllini tapmaqdadır.
______________________________________________________________________________________________________________________________________________________________________________________________________
İstiqamət: Nəzəri nüvə fizikası
1. Nuklonların kvark strukturunu nəzərə almaqla, nüvələrin nüvələrlə və elementar zərrəciklərlə toqquşması zamanı baş verən proseslərin tədqiqi.
Mövzunun rəhbəri: professor Sacidə Əbdülvahabova
İcraçılar: Sacidə Əbdülvahabova, Mais Süleymanov, Tünzalə Bayramova, Leyla Ağamaliyeva
Məqsəd: Müxtəlif yaxınlaşmalarda, müxtəlif qarşılıqlı təsirləri və nuklonların kvark strukturunu nəzərə almaqla, nüvələrin nüvələrlə və elementar zərrəciklərlə toqquşması zamanı baş verən nəzəri və təcrübi proseslərin tədqiqi. Parton simlərinin əmələ gəlməsinə dair təcrübi faktlarən axtarılması. İfrat qızmış və ifrat sıxılmış maddənin İfrat Yüksək enerjili Kosmik zərrəciklərin mənbəyi ola bilməsini araşdırmaq.
Nəticə: Kvark modelinə əsasən baxılan proseslərin səpilmə amplitudu üçün çoxölçülü inteqralların hesablanması zamanı baş verən dəqiqlik itkisi olmadan ümumi ifadələr alınmalıdır. Böyük Adron Kollayderindən (BAK) aparılan təcrübələrdən (Alice, Atlas, CMS) gələn məlumatların əsasında adron nüvə və nüvə nüvə qarşılıqlı təsirlərində əmələ gələn zərrəciklərin pT inpulslarına görə paylanmaları tədqiq edilir. Bu paylanmalarda parton simlərinin əmələ gəlməsinə dair təcrübi faktları əldə etmək üçün yaradılmış xüsusi metod tədbiq edilir. İfrat qizmış və ifrat slxılmış kvark glyuon maddəsinin İfrat Yüksək enerjili Kosmik zərrəciklərin mənbəyi ola bilməsi araşdirılır.
Təcrübi əhəmiyyəti: Tədqiqat fundamental xarakter daşıyır. Parton simlərinin əmələ gəlməsinə dair təcrübi faktların əldə edilməsi Simlər nəzəriyyəsinin təcrübi təsdiqi üçün cox vacibdir. İfrat qızmış və ifrat sıxılmış kvark glyuon maddəsinin İfrat Yüksək enerjili Kosmik zərrəciklərin mənbəyi ola bilməsi faktı bu zərrəciklərin məhz bizim Qalaktikada yaranmasını sübut olardı.