 |
BDU-nun Fizika fakültəsinin bakalavr təhsil pilləsində 1190, magistratura təhsil pilləsində 113, doktorantura təhsil pilləsində 24 nəfər təhsil alır. Fakültədə 9 kafedra və 26 tədris laboratoriyası fəaliyyət göstərir. Hazırda fakültədə təhsil alan tələbə və magistrantlarla 91 nəfər professor-müəllim heyəti çalışır. Onlardan 256-i elmlər doktoru, professordur. Fakültədə tələbələrin elmi fəaliyyətini daha məqsədyönlü və təşkilatlanmış şəkildə qurmaq üçün Tələbə Elmi Cəmiyyəti (TEC) yaradılıb. Fizika fakültəsində TEC-in əsas fəaliyyət istiqamətləri bunlardır:
|
TEC-in fizika fakültəsindəki işi ildən-ilə gücləndirilir. Elmi axtarışlara maraqlı olan tələbələr seçdikləri sahələr üzrə kafedralarda elmi fəaliyyətə cəlb olunurlar. Fizika fakültəsi TEC-in “Fizika bu gün” adlı elmi seminarı fəaliyyət göstərir. Seminarın iclasları ayda bir dəfədən az olmayaraq keçirilir və burdad tələbələr müxtəlif mövzulara aid hazırladıqları materialları təqdim edirlər. Tələbələr mütəmadi olaraq fakültə daxilində və universitetlərarası konfranslarda çıxış edir, elmi məruzələr təqdim edirlər. Həmçinin, müxtəlif ali məktəblər arasında keçirilən fizika üzrə fənn olimpiadalarına hazırlıq üçün xüsusi məşğələlər təşkil olunur.
Hər il nəzəri və eksperimental fizika sahəsinə maraq göstərən savadlı tələbələr TEC-in tərkibinə qəbul olunurlar. Müxtəlif kurslarda təhsil alan tələbələr öz istəklərinə uyğun olaraq müasir tədqiqatlara cəlb edilir və laboratoriyalarda elmi işlər aparmaq üçün uyğun kafedralara istiqamətləndirilirlər. Hazırda cəmiyyətin 150-dən artıq üzvü var və onların bir hissəsi fizikanın müxtəlif sahələri üzrə elmi işlər aparır. Tələbələrin əksəriyyəti I-III kurslarda təhsil alan və gələcəkdə elmə töhfə vermək istəyən gənclərdir.
Fakültə Tələbə Elmi Cəmiyyətinin heyəti:
Sədr: Arzu Şıxverdiyeva
Fakültə Tələbə Elmi Cəmiyyətinin idarə heyəti:
- Əhmədova Könül
- Əhmədova Fatimə
- Gözəlov Pünhan
- Məmmədzadə Zeynəb
- Bədirova Məryəm
