Fiziki elektronika kafedrası 1971-ci ildə "Eksperimental fizika" kafedrasının bazasında yaradılmış, həmin dövrdə kafedranın 7 nəfər professor-müəllimi və 6 nəfər tədrisə köməkçi heyətdən ibarət olmaqla cəmi 13 nəfər əməkdaşı olmuşdur.
Hazırda kafedrada 18 əməkdaş, o cümlədən 1 professor, 2 professor əvəzi, 5 dosent,1 dosent əvəzi, 5 müəllim çalışır.Kafedranın ilk müdiri fizika-riyaziyyat elmləri doktoru, professor Qafar İbrahim oğlu Əfəndiyev olmuşdur, O, Azərbaycan Respublikasında “Plazma elektronikası” elmi məktəbinin əsasını qoymuş və onu formalaşdırmışdır.1992-ci ildən Fiziki elektronika kafedrasının müdiri fizika-riyaziyyat elmləri doktoru, professor, Nyu-york Elmlər Akademiyasının həqiqi üzvü, ali məktəblər üçün Azərbaycan dilində 6 dərsliyin və 200-ə qədəri yüksək reytinqli elmi jurnallarda dərc olunmuş 450-rən artıq elmi əsərin,2 ixtiranın müəllifi,30 elmlər namizədi, 8 elmlər doktoru dissertasiyasının elmi rəhbəri olmuş və Azərbaycan Respublikasında fəzaca qeyri-bircins yarımkeçiricilərdə elektron proseslərinin komleks tədqiqi məktəbini yaratmış Əhməd Şahvələd oğlu Abdinovdur.
Kafedranın elmi-tədqiqatlarının əsas istiqamətini müasir bərk cisim elektronikası və alçaq temperaturlu plazma elektronikasının aktual problemləri təşkil edir. Bu istiqamətdə aparılan tədqiqatlar nəticəsində kafedrada 9 doktorluq və 23 namizədlik dissertasiyası müdafiə edilmişdir.
Son illərdə kafedrada, yeni və optimal üsullarla günəş enerjisi çeviriciləıri və nazik təbəqəli elastiki fotoelektrik işıq qəbulediciləri hazırlamaq sahəsində elmi-tədqiqat işlərinə xüsusi diqqət yetirilir. Kafedra əməkdaşları görülən işlər nəticəsində Azərbaycan Respublikasının Patentlərini almışlar.
Kafedra alimləri, AMEA-nın Fizika İnstitutu, Radiasiya Problemləri İnstitutu və s. ilə sıx elmi əlaqə saxlayır.
Hər il kafedrada, “Bərk cisim eklektronikası”, “Optoelektronika”, "Plazma və qaz boşaıması elektronikası” ixtisaslaşmaları üzrə 7-11 nəfər magistrant müdafiə edərək, magistr dərəcəsinə yiyələnir.
Kafedra müəllimləri tərəfindən ənənəvi olaraq, “Elektrik və maqnetizm” fənnindən icmal mühazirələr oxuyur. Kafedrada son illər ərzində 20-dan artıq dərslik və dərs vəsaiti, 500-dən çox elmi məqalə dərc edilmişdir.
Kafedra əməkdaşları 40-dan çox Beynəlxalq simpozium və konfranslarda iştirak etmişdir. Kafedra əməkdaşları Şöhrət ordeni, Əmək Ordeni, Tərəqqi Medalı, Qabaqcıl Təhsil İşçisi Döş Nişanı, BDU-nun 100 illik Yubiley Medalı, Respublika Elm və Təhsil Nazirliyinin fəxri fərmanı və s. mükafatlarla təltif edilmişdir. Bakı Dövlət Universitetinin 100 illiyi ilə əlaqədar kafedranın əksərəməkdaşları mükafatlandırılmışdır.
