Bakı Dövlət Universiteti Fizika fakültəsi

Kosmik havanın hazırki vəziyyəti – son 24 saat ərzində günəş aktivliyi aşağı səviyyədə olmuşdur. 3272(S22W02, Fkc/beta-qamma) və 3279(S20E60, Dai/beta) oblastları C sinif aktivlik nümayiş etdirmişdir. 3272 oblastı 12/15:44 UTC-də C5.2 alışması, 3279 oblastı isə 12/08:42 UTC-də C3.4/Sf və 12/11:53 UTC-də C6.1 alışmaları vermişdir. 3273 (N10W14, Cso/beta) oblastı aralıq ləkələrini itirmiş və qeyriaktiv olmuşdur. 3276 (S21E52, Hsx/alpha) oblastı 3276 və 3279 kimi sıralanmış iki oblasta ayrılmış, 3276 oblastı H sinif qrupa aid edilmişdir. 3277 (N10E08, Bxo/beta) və 3278 (N13W34, Bxo/beta) oblastları sakit və stabil olmuşlar. 12/04:04 də S40W60 cənub-qərb kvadtantda tac atılması CME (Coronal Mass Ejection – Tac Kütlə Atılması)  müşahidə olunmuş və modelləşdirilmişdir. Müəyyən edilmişdir ki, bu axın Yer orbitini qabaqlayır, Yer üçün heç bir təhlükə yaratmır. LASCO (Large  Angle Specrtoçetric Coronograph -Geniş Bucaqlı Spektrometrik Koronoqraf) C2 və digər koronoqraflarda bilavasitəYerə yönələn CME (Coronal Mass Ejection – Tac Kütlə Atılması)  müşahidə olunmamışdır.

Kosmik hava proqnozu – 13-15 aprel 2023-cü il tarixləri üçün günəş aktivliyinin çox aşağı səviyyədə olacağı və kiçik ehtimalla M (R1-R2, zəif, radiadalğaların yayılmasını əngəlləyə bilən)   daha kiçik ethimalla X (güclü) alışmaların baş verəcəyi proqnozlaşdırılır.

Günəşdən  gələn yüklü zərrəciklər selinin hazırki vəziyyəti və proqnozu – Günəşdən gələn enerjiləri 2 Mev enerjili elektron seli parametrləri yüksək səviyyədə, enerjiləri 10 Mev-dən yüksək olan proton seli parametrləri dayanıqlı fon səviyyəsində olmuşdur.

13-15 aprel tarixləri üçün enerjisi 2 Mev olan elektron selinin parametrləri normal səviyə ilə yüksək səviyə arasında olacağı proqnozlaşdırılır. Enerjisi 10 Mev olan proton seli parametrlərinin bütün period ərzində fon səviyəsində və ya fon səviyyəsinə yaxın səviyyədə qalacağı ehtimal olunur.  

Günəş küləyinin hazırki vəziyyəti və proqnozu – ötən periodda CH HSS (Coronal Hole High Speed Stream- Tac Dəliklərindən Çıxan Yüksək Sürətli Axınlar) təsiri səbəbindən Günəş küləyinin parametrləri fon səviyyəsində olmuşdur. Ümumi maqnit sahəsi 10 nTl,  Bz  cənuba istiqamətlənərək -5nTl,. Günəş küləyi plazmasının sürəti 390 km/s olmuşdur.

13-14 aprel tarixlərində günəş küləyi parametrləri fon səviyyəsində olacaqdır. 15 aprel tarixindən başlayaraq parametrlərin qiyməti CH HSS nəticəsində əsasən artacaqdır.

Geomaqnit sahənin hazırki vəziyyəti və proqnozu – nominal günəş küləyi ilə geomaqnit sahə sakit səviyyədə olmuşdur.

13-14 aprel tarixlərində zəifləyən CH HSS nəticəsində geomaqnit şərait sakit olacaqdır. 15 aprel tarixində geomaqnit sahə CH HSS təsiri ilə qərarlaşmamış səviyyədən aktiv səviyyəyə yüksələ bilər. Geomaqnit qasırğanın baş vermə ehtimalı 1-5%-dir.

Günəşdə alışmaların baş vermə ehtimalı: 13 aprel 2023-ci il tarixində C sinif alışmalar üçün 95%, M sinif alışmalar üçün 45% və X sinif alışmalar üçün isə 10% -dir.

Kp əmsalı: 13-15 aprel 2023-cü il tarixi üçün Kp əmsalı 1-4 intervalında dəyişəcəkdir.

Kosmik hava: faktlar.

Son X sinif alışma:    X1.2 -             29 mart 2023

Son M sinif alışma:   M1.3 -             11 aprel 2023

Son maqnit  qasırğa: Kp8(G4) –       24 mart 2023

Qeyd:

1. Kp orta və yüksək enliklərdə proqnozlaşdırılan geomaqnit şəraiti göstərir. Bu qiymətlər 3 saatlıq periodla qarşıdakı 3 sutka ərzində gözlənilən geomaqnit aktivliyi göstərir. Bu qarşıdakı 3 sutka ərzində geomaqnit şəraitin necə olacağını öyrənmək üşün ən sadə imkandır. Proqnozlar gündəlik olaraq SWPC NOAA (Speace  wezther prediction center national oceanic and atmospheric administration - Kosmik hava proqnozu mərkəzi milli okean və atmosfer idarəetməsi)  tərəfindən yenilənir.
2. Alışmalar: A və B sinif alışmalar sakit, C sinif alışma zəif, M sinif alışma güclü, X sinif alışmalar əsas alışmalar sinfidir. Hər sinif alışma 1-dən 9-a kimi fərqləndirilir: A1, A2,..., A9, B1, B2, ...B9, C1, C2,..., C9. X sinif alışmaların növləri isə davam edir. Məsələn: X10 və daha yüksək alışmalar “super X sinif günəş alışmaları” adlanır.

A və B sinif alışmalar Günəş fonunda minimum və maksimum səviyyələrə uyğun gəlir və tədqiqat üçün maraqlı deyildir.

C sinif alışmalar praktik olaraq Yerə təsir edə bilmir.

M sinif alışmalar isə R1-R2 zəif və təsirli olaraq radiadalğaların yayılmasını əngəlləyə bilir və hətta pozulmasına gətirir. Orta M sinif alışmalar günəş radiasiya qasırğası yarada bilir. Güclü və davam edən M sinif alışmalar isə CME (Coronal Mass Ejection – Tac Kütlə Atılması) yarada bilər. Bu, M alışmaların günəşin səthinin hansı hissəsində baş verməsindən asılıdır. 

X sinif alışmalar ən böyük və güclü alışmalardır. Bu sinif alışmalar ildə təqribən 10 dəfə baş verir və əsasən günəş maksimumu vaxtı müşahidə olunur. X sinif alımalar zamanı Yerin gündüz olan səthində radiodalğaların yayılmasına olan maneələr (R3-R5) güclü səviyyədən daha yüksək-ekstremal səviyyəyə qalxır. Əgər bu alışma Yerə yönəlmiş günəş diskinin ortasında baş vermiş olarsa,  bu zaman güclü, davam edici günəş radiasiya qasırğası yaranır və güclü CME meydana gəlir ki, bu da Yerdə güclü (G4) və ekstremal (G5) səviyyədə geomaqnit qasırğa yarada bilər.

Şəkil 1.  Şəkildə ionlaşmış dəmirin şüalandırdığı ən uzaq ultrabənövşəyi dalğa uzunluğu olan 131 A (anqstrem) -də Günəşin şəkli (FeVIII, FeXXII, FeXX) və Günəş tacının məşəl oblaştı göstərilmişdir.		Şəkil 2.  Şəkildə ionlaşmış dəmirin şüalandırdığı uzaq ultrabənövşəyi dalğa uzunluğu olan 94 A-də Günəşin şəkli (FeXVIII) və Günəş tacının məşəl oblastı göstərilmişdir.
Şəkil 3. Şəkildə Günəş, sakit tac fəallığı oblastlarında ionlaşmış dəmirin şüalandırdığı 171 A-ə (FeIX) bərabər ən uzaq ultrabənövşəyi dalğa uzunluğunda göstərilmişdir		Şəkil 4. Şəkildə Günəş, qaynayan səthindən gələn işıq 304 A-də (HeII) dalğa uzunluğunda göstərilmişdir. Bu xətt xromosferdə ionlaşmış heliumun şüalandırdığı ən uzaq ultrabənövşəyi dalğa uzunluğudur. Protuberanslar kənarlarda meydana çıxa bilər.
Şəkil 5. SDO/HMİ Continuum İmage (Solar Dynamics Observatory Helioseismic and Magnetic Imager Continuum İmage-Günəş Dinamikası Rəsədxanası Helioseysmik və Maqnitoqram Skaner davamedici şəkil) - Günəşi müşahidə edən və geostasionar orbitdə yerləşdirilmiş kosmik aparatdan çəkilmiş davamlı şəkildə günəş alışmalarını müşahidə etmək mümkündür.		Şəkil 6. SDO/HMİ Maqnetogram İmage (Solar Dynamics Observatory Helioseismic nd Magnetic Imager Maqnetogram İmage- Günəş Dinamikası Rəsədxanası Helioseysmik və Maqnit Skaner Maqnetoqram Şəkil ) - şəkil Günəş maqnit sahəsinin dəyişməsini göstərir.
Şəkil 7 və 8. LASCO (Large  Angle Specrtometric Coronograph -Geniş Bucaqlı Spektrometrik Koronoqraf) bir başa Günəşdən gələn işığın okult disk vasitəsi ilə qarşısını almaqla, cihazın içində süni şəkildə günəş tutulmasını yaradaraq günəş tacının şəkillərini çəkib qeydə ala bilir. Günəş diskinin mövqeyi şəkildə ortada ağ dairə ilə görünür. Tacın ən mühüm xüsusiyyəti, ümumiyyətlə tac stimerləri-axınlarıdır. Bunlar həm C2, həmdə C3-də görülə bilən radial zolaqlar kimi müşahidə olunur. Bəzən Günəşdən uzaqlaşan və hər iki koronoqrafın giriş sahələrini keçə bilər CME müşahidə oluna bilər. Sağ yuxarı küncdə gizli diski saxlayan dəstəyin mərkəzə çatan kölgəsi görünür. C2-də alınan şəkillər Günəşdən 8,4 milyon kilometrə qədər olan daxili Günəş tacını göstərir. C3-də alınan şəkillər isə daha geniş görüş sahəsinə malikdir. Günəşin 32 diametrinə bərabər məsafəni əhatə edir. Görüntülərin diametri Günəşdən 45 milyon kilometr və ya Merkuri orbitinin diametrinin yarısına bərabərdir. Bu görüntüdə bir çox parlaq ulduzlar da görünə bilər.		Şəkil 9. Maqnit qasırğanın loqarifmik indeksini xarakterizə edən Kp əmsalının orta qiyməti 13-15 aprel 2023-cü il tarixləri üçün 1-4 intervalında dəyişəcəkdir.

Kp-nin qiymətlərindən asılı olaraq maqnit qasırğanın gücünü göstərən cədvəl.

https://soho.nascom.nasa.gov/data/realtime-images.html

https://www.spaceweatherlive.com/ru/avroralnaya-aktivnost/avroralnyy-prognoz.html

https://mms.rice.edu/forecast.html