Bakı Dövlət Universiteti Fizika fakültəsi

Kosmik havanın hazırki vəziyyəti – ötən üç sutka ərzində Günəş aktivliyi 3445 (S14E05, Dai/beta-delta) oblastında 24/03:28 UTC-də baş verən M4.4 və 3443 (N28W68, Eko/beta-gamma) oblastında 24/15:00 UTC-də baş verən M1.0 alışmaları hesabına orta səviyyədə olmuşdur. 3445 oblastında C sinif məşəl alışmalar baş vermişdir. 3435 (N10W23, Dki/beta-delta) və 3445 oblastlarında kiçik genişlənmə müşahidə olunmuşdur. 3443 və 3441 (N07W61, Cai/beta) oblastları isə nisbətən zəifləmişlər. Digər oblastlar stabil olmuş,  dəyişməmişlər. Yerə yönəlmiş  TKA (Tac Kütlə Atılması -Coronal Mass Ejection – CME)– müşahidə olunmamışdır.

Kosmik hava proqnozu -25-27 sentyabr 2023-cü il tarixləri üçün günəş aktivliyi aşağı səviyyədə qalacağı və  kiçik ehtimalla M sinif (R1-R2-minor-radiodalğaların yayılmasını zəif əngəlləyə bilən), çox kiçik ehtimalla X sinif (R3-güclü)  alışmaların olacağı proqnozlaşdırılır.

Günəşdən  gələn yüklü zərrəciklər selinin hazırki vəziyyəti və proqnozu – ötən periodda Günəşdən gələn 2 Mev enerjili elektron selinin parametrləri normal səviyyədən yüksək səviyyəyə qalxmışdır. Enerjiləri 10 Mev olan proton seli parametrləri  isə böyük ehtimalla 3445 oblastında 24/0328 UTC-də baş vermiş M4.4 alışması səbəbindən nisbətən artmışdır.  

25-27 sentyabr 2023 -cü il tarixləri üçün enerjisi 2 Mev olan elektron seli parametrlərinin  CH HSS (Coronal Hole High Speed Stream- Tac Dəliklərindən Çıxan Yüksək Sürətli Axınlar) təsiri ilə orta səviyyədən yüksək səviyyəyə qalxacaqdır. 10 Mev-dən böyük enerjilərə malik proton seli parametrlərinin isə 25 sentyabr tarixində S1(minor) səviyyəsinə çatacağı proqnozlaşdırılır.  Bu hal 26-27 sentyabr tarixlərində də davam edə bilər.

Günəş küləyinin hazırki vəziyyəti və proqnozu – ötən periodda Günəş küləyi parametrlərini ölçən DSCOVR (Deep Space Climate Observatory –Dərin kosmik mühit observatoriyası – Günəş Yer sistemində L1 nöqtəsində yerləşən, Yer və kosmik havanı müşahidə edən, günəş küləyi və planetlərarası maqnit sahəsi haqqında real zamanda məlumatları verən kosmik aparat) peykindən çəkilən şəkillər 22 sentyabr tarixində Günəşi tərk etmiş TKA səbəbindən zərbə dalğasının yaxınlaşmasını göstərmişdir. Müsbət qübtlü CH HSS (Coronal Hole High Speed Stream- Tac Dəliklərindən Çıxan Yüksək Sürətli Axınlar) təsiri isə günəş küləyi parametrlərin fon səviyyəsindən fərli olduğu qeydə almışdır. Günəş küləyinin sürəti 313-475 km/ s-intervalında qeydə alınmışdır. Planetlərarası ümumi maqnit sahəsi maksimu 27 nTl çatmış, Bz isə +21 nTl ilə -27nTl arasında dəyişmişdir

22 sentyabr tarixində baş vermiş TKA səbəbindən günəş küləyi paranetrlərinin dəyişməsi 25 sentyabr tarixə kimi, 22 sentyabr gecə yarisi günəşi tərk etmiş digər TKA təsiri isə bu dəyişmə 26 sentyabr tarixinə kimi müşahidə olunacaqdır. 26 sentyabr tarixindən sonra günəş küləyi parametrləri normallaşacaqdır. Günəş küləyini parametrləri 27 sentyabr tarixindən tam nominal səviyyəyə qayıdacaqdır.  

Geomaqnit sahənin hazırki vəziyyəti və proqnozu – keçən period ərzində geomaqnit səviyyə sakit səviyyə ilə G1(mülayim) maqnit qasırğa səviyyəsində olmuşdur. 24/2043 UTC -də Munikdə yerləşən maqnitometr 129 nTl göstərənə kimi geomaqnit sahə sakit səviyyədə olmuşdur. 24/18:00–21:00 UTC-intervalında geomaqnit səviyyə G2(orta) geomaqnit qasırğa səviyyəsinə  qalxmışdır. Bu qasırğanın 25 sentyabr günün ilk yarıxına kimi davam etmə etmilalı vardır. 25 sentyabr 2023- cü il tarixindən etibarən geomaqnit sahə sakit-dəyişən səviyyədə olacaqdır. 27 sentyabr tarixində geomaqnit sahə tam olaraq sakit səviyyəyə qayıdacaqdır.  

TKA effektləri saxlandığı üçün 25 sentyabr tarixində G1(mülayim) geomaqnit qasırğa səviyyəsi saxlanacaqdır. 22 sentyabr tarixində günəşi tərk etmiş TKA səbəbindən 26 sentyabr tarixində sürüşkən dalğa zərbəsi gözlənilir. 27 sentyabr tarixi üçün geomaqnit səviyyə artıq sakit səviyyədə olacaqdır. 

Günəşdə alışmaların baş vermə ehtimalı:  25 sentyabr 2023-cü il tarixində C sinif alışmalar üçün 99%, M sinif alışmalar üçün 65% və X sinif alışmalar üçün isə 15% -dir.

Kp əmsalı: 25-30 sentyabr 2023-cü il tarixlərində Kp əmsalı (proqnozlaşdırılan geomaqnit şərait) 1-5 intervalında dəyişəcəkdir.

Kosmik hava: faktlar.

Son X sinif alışma:   X1.51 -          07 avqust 2023

Son M sinif alışma:   M1.0 -          24 sentyabr 2023

Son maqnit  qasırğa: Kp6-(G2) –    19 sentyabr 2023

Qeyd:

1. Kp orta və yüksək enliklərdə proqnozlaşdırılan geomaqnit şəraiti göstərir. Bu qiymətlər 3 saatlıq periodla qarşıdakı 3 sutka ərzində gözlənilən geomaqnit aktivliyi göstərir. Bu qarşıdakı 3 sutka ərzində geomaqnit şəraitin necə olacağını öyrənmək üşün ən sadə imkandır. Proqnozlar gündəlik olaraq SWPC NOAA (Speace  wezther prediction center national oceanic and atmospheric administration -Kosmik hava proqnozu mərkəzi milli okean və atmosfer idarəetməsi)  tərəfindən yenilənir.
2. Alışmalar: A və B sinif alışmalar sakit, C sinif alışma zəif, M sinif alışma güclü, X sinif alışmalar əsas alışmalar sinfidir. Hər sinif alışma 1-dən 9-a kimi fərqləndirilir: A1, A2,..., A9, B1, B2, ...B9, C1, C2,..., C9. X sinif alışmaların növləri isə davam edir. Məsələn: X10 və daha yüksək alışmalar “super X sinif günəş alışmaları” adlanır.

A və B sinif alışmalar Günəş fonunda minimum və maksimum səviyyələrə uyğun gəlir və tədqiqat üçün maraqlı deyildir.

C sinif alışmalar praktik olaraq Yerə təsir edə bilmir.

M sinif alışmalar isə R1-R2 zəif və təsirli olaraq radiadalğaların yayılmasını əngəlləyə bilir və hətta pozulmasına gətirir. Orta M sinif alışmalar günəş radiasiya qasırğası yarada bilir. Güclü və davam edən M sinif alışmalar isə CME (Coronal Mass Ejection – Tac Kütlə Atılması) yarada bilər. Bu, M alışmaların günəşin səthinin hansı hissəsində baş verməsindən asılıdır. 

X sinif alışmalar ən böyük və güclü alışmalardır. Bu sinif alışmalar ildə təqribən 10 dəfə baş verir və əsasən günəş maksimumu vaxtı müşahidə olunur. X sinif alımalar zamanı Yerin gündüz olan səthində radiodalğaların yayılmasına olan maneələr (R3-R5) güclü səviyyədən daha yüksək-ekstremal səviyyəyə qalxır. Əgər bu alışma Yerə yönəlmiş günəş diskinin ortasında baş vermiş olarsa,  bu zaman güclü, davam edici günəş radiasiya qasırğası yaranır və güclü CME meydana gəlir ki, bu da Yerdə güclü (G4) və ekstremal (G5) səviyyədə geomaqnit qasırğa yarada bilər.

Şəkil 1.  Şəkildə ionlaşmış dəmirin şüalandırdığı ən uzaq ultrabənövşəyi dalğa uzunluğu olan 131 A (anqstrem) -də Günəşin şəkli (FeVIII, FeXXII, FeXX) və Günəş tacının məşəl oblaştı göstərilmişdir.		Şəkil 2.  Şəkildə ionlaşmış dəmirin şüalandırdığı uzaq ultrabənövşəyi dalğa uzunluğu olan 94 A-də Günəşin şəkli (FeXVIII) və Günəş tacının məşəl oblastı göstərilmişdir.
Şəkil 3. Şəkildə Günəş, sakit tac fəallığı oblastlarında ionlaşmış dəmirin şüalandırdığı 171 A-ə (FeIX) bərabər ən uzaq ultrabənövşəyi dalğa uzunluğunda göstərilmişdir		Şəkil 4. Şəkildə Günəş, qaynayan səthindən gələn işıq 304 A-də (HeII) dalğa uzunluğunda göstərilmişdir. Bu xətt xromosferdə ionlaşmış heliumun şüalandırdığı ən uzaq ultrabənövşəyi dalğa uzunluğudur. Protuberanslar kənarlarda meydana çıxa bilər.
Şəkil 5. SDO/HMİ Continuum İmage (Solar Dynamics Observatory Helioseismic and Magnetic Imager Continuum İmage-Günəş Dinamikası Rəsədxanası Helioseysmik və Maqnitoqram Skaner davamedici şəkil) - Günəşi müşahidə edən və geostasionar orbitdə yerləşdirilmiş kosmik aparatdan çəkilmiş davamlı şəkildə günəş alışmalarını müşahidə etmək mümkündür.		Şəkil 6. SDO/HMİ Maqnetogram İmage (Solar Dynamics Observatory Helioseismic nd Magnetic Imager Maqnetogram İmage- Günəş Dinamikası Rəsədxanası Helioseysmik və Maqnit Skaner Maqnetoqram Şəkil) - şəkil Günəş maqnit sahəsinin dəyişməsini göstərir.
Şəkil 7 və 8. LASCO (Large  Angle Specrtometric Coronograph -Geniş Bucaqlı Spektrometrik Koronoqraf) bir başa Günəşdən gələn işığın okult disk vasitəsi ilə qarşısını almaqla, cihazın içində süni şəkildə günəş tutulmasını yaradaraq günəş tacının şəkillərini çəkib qeydə ala bilir. Günəş diskinin mövqeyi şəkildə ortada ağ dairə ilə görünür. Tacın ən mühüm xüsusiyyəti, ümumiyyətlə tac stimerləri-axınlarıdır. Bunlar həm C2, həmdə C3-də görülə bilən radial zolaqlar kimi müşahidə olunur. Bəzən Günəşdən uzaqlaşan və hər iki koronoqrafın giriş sahələrini keçə bilər CME müşahidə oluna bilər. Sağ yuxarı küncdə gizli diski saxlayan dəstəyin mərkəzə çatan kölgəsi görünür. C2-də alınan şəkillər Günəşdən 8,4 milyon kilometrə qədər olan daxili Günəş tacını göstərir. C3-də alınan şəkillər isə daha geniş görüş sahəsinə malikdir. Günəşin 32 diametrinə bərabər məsafəni əhatə edir. Görüntülərin diametri Günəşdən 45 milyon kilometr və ya Merkuri orbitinin diametrinin yarısına bərabərdir. Bu görüntüdə bir çox parlaq ulduzlar da görünə bilər.		Şəkil 9. Maqnit qasırğanın loqarıfmik indeksini xarakterizə edən Kp əmsalının orta qiyməti 25-30 sentyabr 2023- cü il tarixləri üçün 1-5 intervalında dəyişəcəkdir.

Kp-nin qiymətlərindən asılı olaraq maqnit qasırğanın gücünü göstərən cədvəl.

https://soho.nascom.nasa.gov/data/realtime-images.html

https://www.spaceweatherlive.com/ru/avroralnaya-aktivnost/avroralnyy-prognoz.html

https://mms.rice.edu/forecast.html