1907-ci ildə anadan olmuşur. 1924-cü ildə Gəncə gimnaziyasını bitirərək orada müəllimlik fəaliyyətinə başlamışdır. 1925-ci ildə Bakı Dövlət Universitetinin fizika-riyaziyyat fakültəsinə daxil olmuş, 1930-cu ildə həmin ixtisası bitirmişdir. 1931-1935 illərdə dekan vəzifəsində çalışmış və sonra elmi-pedaqoji fəaliyyətini BDU-da davam etdirmişdir. 1952-ci ildə BDU-nun prorektoru vəzifəsinə təyin edilmişdir. 1962-ci ildə Azərbaycan Pedaqoji İnstitutuna rektor təyin edilmişdir. 1965-ci ilə qədər bu institutda ali pedaqoji kadrların hazırlanmasında, elmi-tədqiqat işlərinin aparılmasında, kollektiv arasında əhval-ruhiyyənin sağlamlaşmasında ciddi dönüş yaratmış və öz nüfuzunu daha da artırmışdır. 1965-ci ildə BDU-nun rektoru təyin edilmiş və bu vəzifəni 1970-ci ilə kimi böyük uğurla icra etmişdir. 1933-cü ildə dosent adına layiq görülmüşdür. Bəzi torpaq elementlərinin fiziki xassələrinin tədqiqinə aid böyük praktik əhəmiyyətə malik elmi-tədqiqat işləri ilə məşğul olmuşdur. 1949-cu ildə dissertasiya müdafiə etmişdir. Elmi məqalələri müntəzəm olaraq nüfuzlu Respublika və xarici jurnallarda dərc olunmuş və məruzələri elmi konfranslarda dinlənilmişdir. Azərbaycan dilində dərslik, dərs vəsaitlərinin hazırlanması, fizika üzrə terminologiyanin tərtibi kimi işlərə xüsusi əhəmiyyət vermişdir. Tələbələr üçün bir çox vacib dərslikləri (A.F.İoffe Molekulyar fizika kurs və s.) rus dilindən Azərbaycan dilinə tərcümə etmiş və ali məktəblər üçün Optika kursundan Azərbaycan dilində yazılmış ilk dərsliyin həmmüəllifi olmuşdur.
ƏLİYEV MEHDİ SADİQ OĞLU
