15 sentyabr 1941-ci ildə anadan olmuşdur. Bakı Dövlət Universitetinin Fizika fakültəsini bitirdikdən sonra SSRİ Elmlər Akademiyasının A.F.İoffe adına Fizika və Texnika İnstitutunun aspiranturasına daxil olmuşdur. 1972-ci ildə namizədlik, 1986-cı ildə doktorluq dissertasiyası müdafiə etmiş, 1991-ci ildə professor elmi adı almışdır. 1964-cü ildən BDU-nun Yarımkeçiricilər fizikası kafedrasında elmi və pedaqoji fəaliyyətə başlamışdır. Yarımkeçiricilər fizikası kafedrasında laborant, müəllim, baş müəllim, dosent vəzifələrində çalışmışdır. 1989-1991-ci illərdə Fizika fakültəsində dekan müavini vəzifəsində işləmişdir.
1992-ci ildən Ankara Texniki Universitetində professor vəzifəsində çalışır. BDU-nun Beynəlxalq Elmi Araşdırmalar Mərkəzinin ştatdankənar elmi işçisidir.