Bakı Dövlət Universiteti Fizika fakültəsi

Məlum olduğu kimi, 25 oktyabr 2022-ci il tarixində cari il ərzində baş verən ikinci Günəş tutulması gözlənilirdi. Həmin hadisəni müşahidə etmək üçün Bakı Dövlət Universitetinin Tələbə Elmi-texniki Yaradıcılıq Mərkəzi tərəfindən müvafiq tədbirlər görülüb. Belə ki, Mərkəzin qarşısında quraşdırılmış teleskop vasitəsilə əldə olunan görüntülər ekrana ötürülməklə tamaşaçılara nümayiş olunub. 25 oktyabr təqribən saat 14-00-da gözlənilən hadisə baş Verdi. Havanın buludlu olması səbəbindən Günəşin tutulmasını fasiləsiz izləmək mümkün olmadı. Bununla belə, Günəşin tutulması epizodik olaraq izlənildi və maraqlı fotolar çəkildi.