BDU-nun əməkdaşının Türkiyəyə xidməti ezamiyyəti
BDU-nun əməkdaşı Türkiyənin Sivas Cunmhuriyyət Universitetində xidməti ezamiyyədə olub
Elmi fəaliyyətin təşkili və innovasiyalar Mərkəzinin Elmi tədqiqatların təşkili və təhlili şöbəsinin müdiri, Fizika fakültəsinin Nəzəri fizika kafedrasının müəllimi Mirnamik Bəşirov 04-08 aprel 2022-ci il tarixlərdə ERASMUS+ təcrübə mübadilə proqramı çərçivəsində Türkiyənin Sivas Cumhuriyət Universitetində xidməti ezamiyyətdə olub. Mirnamik Bəşirov Universitetin ERASMUS proqramı üzrə layihə Koordinatoru Adəm Koca, Universitetin Elmi Araşdırmalar Mərkəzinin katibi Mətin Kaleli, Layihələrə dəstək sekrotunun şöbə müdiri Murat Kocadaş, Keyfiyyət sektorunun koordinator köməkçisi Şülə Aydın ilə görüşlər keçirib, elmi araşdırmaların təşkili, meyarlar, öhdəlik və hədəflər, onların dəyərləndirilməsi, hesabatların tərtibi, tədbirlərin prosessual təşkili, sənədləşməsi, tədqiqat işlərinə layihələrin ayrılması, maddi dəstək proqramları və digər məsələlərlə tanış olub, bu işlərin Bakı Dövlət Universitetində təşkili haqqında məlumat verib və təcrübə mübadiləsi aparıb. İşgüzar fəaliyyətin sonunda M. Bəşirov proqramda iştiraka görə sertifikatla təltif olunub.
