Fizika fakültəsi Tələbə Gənclər Təşkilatı və Tələbə Həmkarlar Komitəsinin birgə təşkilatçılığı ilə 8 mart Beynəlxalq Qadınlar Gününə həsr olunmuş tədbir
06 mart 2021-ci il tarixdə BDU Fizika fakültəsi Tələbə Gənclər Təşkilatı və Tələbə Həmkarlar Komitəsinin birgə təşkilatçılığı ilə Microsoft TEAMS platforması üzərindən 8 mart Beynəlxalq Qadınlar Gününə həsr olunmuş “Qadın gülərsə, bu issız mühitimiz güləcək, Sürüklənən bəşəriyyət qadınla yüksələcək (Hüseyn Cavid)” adlı tədbir keçirilmişdir. Tədbirin aparıcısı Nəzrin Musayeva iştirak edən bütün xanımları, eləcə də bütün Azərbaycan qadınlarını bu bayram münasibəti ilə təbrik etdi. Fakültənin dekan müavini Məhəmməd Məhərrəmov tələbə qızları bayram münasibəti ilə təbrik edərək, qadınların cəmiyyətdə, gənclərin vətənpərvərlik ruhunda tərbiyə edilməsində necə əhəmiyyətli rolu olmasından, cəmiyyətdə mühüm mövqe qazanmaq üçün çox çalışmağın vacibliyindən danışdı. Daha sonra fakültə tələbələri Mehriban Əliyeva, Ramazan Hüseynov, Səbinə Süleymanova, Tural Daşdəmirov, Zabitə Məmmədova öz ürək sözlərini söylədilər, 8 Mart gününə həsr olunmuş videoçarxlar nümayiş etdirdilər.Rus bölməsinin tələbəsi Güleyşə Əlizadə və ingilis bölməsinin tələbəsi Aysun İbrahimli rus və ingilis dillərində 8 Mart günü barədə danışdılar, öz təbriklərini çatdırdılar. II Qrabağ savaşının tək qadın şəhidi Arəstə Baxşıyeva haqqında tələbə Aytən Baləhmədova məlumat verdi, videoçarx nümayiş olundu. Sonda fakültə TGT sədri Aynurə Salmanlı və THK sədri Günel Əliyeva tələbə qızları təbrik edərək iştirakçılara təşəkkür etdilər.
