Fizika fakültəsində “Founders of Physics” adlı tədbir keçirilmişdir.
BDU Tələbə Həmkarlar Ittifaqı Komitəsi və Fizika fakültəsinin birgə təşkilatçılığı ilə “Founders of Physics” adlı online tədbir keçirilmişdir. Tədbiri Fizika fakültəsi THİK-in sədr müavini Nərmin Həsənlii açaraq mövzu üzrə qısa məlumat verdi. Sonra fakültənin 1-ci kurs tələbələri Fidan İsmayılova, Zabitə Məmmədova, Səmayə Qasımlı, 2-ci kurs tələbələri Nuray Əhmədova, Çinarə Mustafayeva, Fakültə THİK sədri Günel Əliyeva, müavinlər Ləyaqət Qasımova, Səbinə Süleymanova fizika elminin inkişafında müstəsna xidmətləri olmuş alimlər, onların həyat yolları barədə maraqlı məlumatlar verdilər. Tələbə Turan Daşdəmirovun hazırladığı videoçarx nümayiş olundu. Tədbirin sonunda fakültənin dekan müavini Məhəmməd Məhərrəmov və BDU THİK sədri Hacıbaba Mustafayev maraqlı çıxışlarına görə tələbələrə təşəkkür edərək onlara uğurlar arzuladılar.