Gültəkin Abbasovanın 60 yaşı tamam olub
Gültəkin Cümşüd qızı Abbasova 30 oktyabr 1962-ci ildə Bakı şəhərində anadan olub. 1970-1980-cı illərdə Bakı şəhəri 158 saylı məktəbdə oxuyub. 1980-1985-cı illərdə BDU-nun Fizika fakültəsində təhsil alıb. 1994-1998-ci illərdə BDU-da dissertanturada təhsil alıb. 1998-ci ildə dissertasiya müdafiə edib və fizika-riyaziyyat elmləri namizədi elmi dərəcəsini alıb. 1989-2008-ci illərdə Optika va molekulyar fizika kafedrasında baş laborant olub. 2008-ci ildən həmin kafedrada dosent vəzifəsində çalışır. 2013-cü ildə dosent elmi adını alıb. Elmi fəaliyyət istiqaməti İstilik fizikası və molekulyar fizikadır. Respublika və xarici ölkələrin elmi mətbuatında dərc olunmuş 50-dən çox elmi işin və "Fizika məsələləri (Molekulyar fizika)", "Fizika praktikum (Molekulyar fizika)" adlı kitablarının müəllifidir.
Gültəkin Abbasovanı yubileyi münasibəti ilə təbrik edir, ona can sağlığı və elmi-pedaqoji fəaliyyətində uğurlar arzulayırıq.