2023-cü ilin ilk Günəş tutulması
10 Aprel 2023 09:09
2023-cü ilin ilk Günəş tutulması aprelin 20-də qeydə alınacaq. Bakı Dövlət Universitetinin Fizika fakültəsinin Astrofizika kafedrasının məlumatına görə, bu tutulma hibrid Günəş tutulması olacaq. Hibrid Günəş tutulması zamanı Yerin əyriliyi səbəbindən müşahidəçinin mərkəzi tutulma trayektoriyası boyunca yerindən asılı olaraq halqavari və ya tam Günəş tutulması müşahidə olunur. Əksər hallarda hibrid tutulmalar halqavari kimi başlayır, sonra tam tutulmaya keçir, daha sonra yenidən halqavari vəziyyətə qayıdır.
Tutulma hadisəsi aprelin 20-də Bakı vaxtı ilə saat 05:34:22-də başlayacaq və 10:59:18-də sona çatacaq. Tutulma hadisəsi 5 saat 25 dəqiqə davam edəcək. Tutulmanın maksimumu 08:16:49-da olacaq. Tam tutulma hadisəsi isə 06:36:56-da başlayacaq və saat 09:56:36-da qurtaracaq. Tam tutulma prosesi 3 saat 19 dəqiqə 40 saniyə davam edəcək. Tutulma hadisəsi Cənub-Şərqi Asiya, Avstraliya, Sakit okean, Hind okeanı, Antarktidada müşahidə olunacaq. Tutulma Azərbaycan ərazisində müşahidə olunmayacaq.
2023-cü ilin 2-ci Günəş tutulması isə oktyabrın 14-də baş verəcək.
Son XƏBƏRLƏR
17.04.2025 | 20:06
BDU-da tələbələrin "Gələcəyin alimləri" adlı X elmi konfransı
17.04.2025 | 11:25
Elmi seminarda Raman spektroskopiyasının xüsusuiyyətləri barədə danışılıb
15.04.2025 | 11:23
Fizika fakültəsində dissertasiya işinin müdafiəsi keçirilib
10.04.2025 | 18:11
Fizika fakültəsi Tələbə Elmi Cəmiyyətinin elmi seminarı keçirilib
10.04.2025 | 17:08