Bakı Dövlət Universiteti Fizika fakültəsi

31 mart 2023-cü il tarixində Fizika fakültəsində Azərbaycanlıların soyqırımı günü ilə bağlı tədbir keçirilib. Əvvəlcə soyqırımı qurbanlarının və bütün şəhidlərimizin ruhu bir dəqiqəlik sükutla yad edilib. Tədbirdə 31 mart soyqırımı gününə həsr olunmuş poster tələbələrə təqdim olunub. Fakültənin sosial məsələlər və tələbələrlə iş üzrə dekan müavini Məhəmməd Məhərrəmov xalqımızın tarix boyu yaşadığı faciələr, ermənilərin xalqımıza qarşı törətdiyi soyqırımı hadisələri barədə ətraflı məlumat verib, faciələrdən dərs götürməli olduğumuzu, belə faciələrin təkrarlanmaması üçün hər birimizin canla-başla çalışmağımızın, xüsusən gənc nəsil tərəfindən tariximizin dərindən öyrənilməsinin zəruriliyini qeyd edib.