Bakı Dövlət Universiteti Fizika fakültəsi

14 mart 2023-cü il tarixində Fizika fakültəsində dahi fizik Albert Eynşteynin doğum günü ilə bağlı tədbir keçirilib. Fakültə müəllimlərinin və tələbələrin iştirak etdiyi tədbiri dekan Bəxtiyar Paşayev açaraq əvvəlcə iştirakçıları ilaxır çərşənbəsi münasibətilə təbrik edib, Eynşteynin fizika elmində oynadığı rol, tutduğu mövqe barədə danışıb. Sonra Nəzəri fizika kafedrasının müdiri Məmməd Rəcəbov Albert Eynşteynin həyatı barədə maraqlı məlumatları diqqətə çatdırıb. O, Eynşteynin asan olmayan bir həyat yaşadığını, öz qeyri-adi istedadı sayəsində böyük nailiyyətlər qazandığını qeyd edib. Eynşteynin fizika elmində etmiş olduğu kəşflərin hər birinin ayrılıqda Nobel mükafatına layiq olduğunu xüsusilə vurğulayaraq, onunla bağlı maraqlı hadisələri danışıb.