Doktorluq dissertasiyasının ilkin müzakirəsi keçirilib
29 may 2025-ci il tarixində BDU-nun Fizika fakültəsinin Ümumi fizika və fizikanın tədrisi metodikası, Bərk cisimlər fizikası kafedralarının və BDU-nun Fizika Problemləri ETİ-nin birgə elmi seminarında Bakı Dövlət Universitetinin Fizika fakültəsinin Ümumi fizika və fizikanın tədrisi metodikası kafedrasının elmlər dokroru proqramı üzrə doktorantı Daşdəmirov Arzu Oruc oğlunun 2211.01 - “Bərk cisimlər fizikası” ixtisası üzrə “Optik aktiv halkogenidlərdə termik və optik xassələrin formalaşmasına kation-kation əvəzləmələrinin təsiri” mövzusunda fizika elmləri doktoru elmi dərəcəsi almaq üçün təqdim etdiyi dissertasiya işinin ilkin müzakirəsi keçirilib. İclasın sədri f.-r.e.d. Fərhad Rüstəmov iclası açıq elan edərək iddiaçı və dissertasiya işi haqqında qısa məlumat verib. Arzu Daşdəmirov dissertasiya işinin aktuallığı, məqsədi, tədqiqat metodları, əsas elmi nəticələri haqqında iclas iştirakçılarına məruzə edib. Rəyçilər, f.e.d. İzzət Əfəndiyeva və f.e.d. Hüseynağa Hüseynov dissertasiya işi barədə rəylərini və iradlarını bildiriblər. İddiaçı rəyçilərin iradlarına münasibət bildirib və seminar iştirakçılarının suallarını cavablandırıb. Açıq səsvermə keçirilib və iştirakçılar Arzu Daşdəmirovun fizika elmlər doktoru elmi dərəcəsi almağa layiq olduğuna dair yekdilliklə səs veriblər.
Qərar qəbul olunub ki, Daşdəmirov Arzu Oruc oğlunun təqdim etdiyi “Optik aktiv halkogenidlərdə termik və optik xassələrin formalaşmasına kation-kation əvəzləmələrinin təsiri” mövzusunda dissertasiya işi Azərbaycan Respublikasının Prezidenti yanında Ali Attestasiya Komissiyasının elmlər doktoru dissertasiyalarına qoyduğu tələblərə tam cavab verir və onun müəllifi 2211.01 - “Bərk cisimlər fizikası ”ixtisası üzrə elmlər doktoru elmi dərəcəsi almağa layiqdir. Dissertasiya işini BDU-nun nəzdində fəaliyyət göstərən ED 2.19 Dissertasiya Şurasına təqdim etmək olar.
