Elmi seminarda defektli yarımkeçirici kristalların xüsusiyyətləri müzakirə olunub
Fizika fakültəsi Yarımkeçiricilər fizikası kafedrasının elmi seminarı keçirilib. Seminarda kafedranın professoru Əli Hüseynov “Defektli yarımkeçirici kristallar” mövzusunda çıxış edib. Məruzəçi bildirib ki, yarımkeçirici materialları digərlərindən fərqləndirən cəhətlərdən biri də onların fiziki xassələrinin kristal quruluşundakı defektlərə həssas olmasıdır. Defektlərin tipi, növü, forması və təbiəti çoxçeşidli və müxtəlif olmaqla hər biri xassələrə müxtəlif çalar verir. Kristalın məxsusi defektlərinin tədqiqi daha çox aktuallıq kəsb edir və onların nəticələri praktiki tətbiqdə geniş perspektivlər açırlar. Əli Hüseynov məruzəsində I, III və VI qrup elementləri əsasında yarimkeçirici kristallarda quruluş-defekt-xassə münasibətlərindən danışıb.
