Fizika fakültəsi Elmi Şurasının növbəti iclası keçirilib
28.11.2024 tarixində Fizika fakültəsi Elmi Şurasının növbəti iclası olub. İclasın gündəliyinə aşağıdakı məsələlər daxil edilib:
- Görkəmli astrofizik Rəhim Hüseynovun 100 illik yubileyinə həsr olunmuş “Astrofiziki tədqiqatlara müasir baxış” adlı Respublika Elmi konfransının təşkili.
- Açıq dərslər və elmi seminarların təşkili.
- Cari məsələlər.
Birinci məsələ ilə bağlı danışan Elmi Şuranın sədri fakültə dekanı Bəxtiyar Paşayev və Astrofizika kafedrasının müdiri Kəmalə Alışeva Rəhim Hüseynovun Azərbaycanda aztrofizika elminin inkişafında, BDU-da bu itiqamətdə tədrisin təşkilində böyük rol oynadığını qeyd edərək, universitet rəhbərliyinin tövsiyəsi ilə Rəhim Hüseynovun 100 illik yubileyi ilə əlaqədar elmi konfransın təşkili barədə qərar alındığını bildirdilər. Konfransın vaxtı və iştirak şərtləri barədə məlumat verildi. Sonra kafedralar tərəfindən açıq dərslərin təşkilinə və seminarların keçirilməsinə diqqətin artırılmasının zərurəti qeyd olundu. Cari məsələ müzakirə olunduqdan sonra iclas başa çatdı.