Fizika fakültəsi Gənc Alimlər Şurasının seminarı keçirilib
02 aprel 2025-ci il tarixində Fizika fakültəsi Gənc Alimlər Şurasının növbəti elmi seminarı keçirilib. Seminarda Fizika fakültəsinin bakalavr pilləsində "Fizika" ixtisasında təhsil alan 2-ci kurs tələbəsi Sahib Səfərov "CA22126 - Kosmosda Karbonun Molekulyar Nanostrukturu (NanoSpace)" mövzusunda çıxış edib. O, öz çıxışında NanoSpace layihəsinin əsas məqsədi, karbon nanostrukturlarının kosmos üçün vacibliyi barədə danışaraq qarşıya çıxan problemlərin həllində karbonun rolunu bildirdi. Məruzəçi nanokarbonun yaranma və məhv olmasının kimyəvi əsasları, kosmos da mövcud olan nanokarbonun növləri və onların müəyyən olunma mərhələsi və həmçinin, bu cür materialların kosmik və prebiotik kimya və eləcə də, astrofizikadakı tətbiq sahəsini qeyd edib. Belə ki, seminarda fullerenlərin 60 və 70 karbonlu növlərinin kosmosda ilk dəfə Thackeray-1 planetar dumanlığında İQ spektroskopiyasının köməyi ilə müəyyən edilməsi haqqında məlumat verilib.
Seminarın sonunda məruzəçi sualları cavablandırıb.