Fizika fakültəsində 2024-cü ilə yekun vurulub
Fizika fakültəsində yeni ilin gəlişi və 31 dekabr Dünya Azərbaycanlılarının həmrəylik günü ilə bağlı, eləcə də 2024-cü ilə yekun vurmaq məqsədilə tədbir keçirilib. Fakültədə kollektiv arasında qarşılıqlı etimad, tolerantlıq, səmimiyyət, xeyirxahlıq və nəzakət mədəniyyətinin təşviqi məqsədilə keçirilən bu tədbirdə fakültə əməkdaşları iştirak ediblər. Fakültə dekanı Bəxtiyar Paşayev, fakültənin ağsaqqal müəllimləri əməkdaşları qarşıdan gələn 2025-ci il və Dünya Azərbaycanlılarının həmrəylik günü münasibəti ilə təbrik edib.
Tədbir canlı musiqinin müşaiyəti ilə keçib. Fakültənin əməkdaşı Sona Güləhmədova BDU-nun 105 illiyinə həsr olunmuş, sözləri Bəxtiyar Paşayevə və müsiqisi İqbal Ağayevə məxsus olan “Universitetim” adlı mahnını təqdim edib. Daha sonra tədbir bədii hissə ilə davam edib.
