Fizika fakültəsində 31 dekabr Həmrəylik gününə həsr olunmuş tədbir keçirilib
25 dekabr 2024-cü il tarixində Fizika fakültəsi Tələbə Gənclər Təşkilatının təşkilatçılığı ilə Yeni ilin gəlişinə və 31 dekabr Dünya Azərbaycanlılarının Həmrəylik gününə həsr olunmuş tədbir keçirilib. Fizika fakültəsinin social məsələlər və tələbələrlə iş üzrə dekan müavini Məhəmməd Məhərrəmov qarşıdan gələn yeni il və 31 dekabr Həmrəylik günü ilə bağlı tədbir iştirakçılarını təbrik edib, 31 dekabr Həmrəylik gününü tarixi, keçən əsrin 90-cı illərinin sinlarında ölkəmizdə baş vermiş siyasi hadisələr, milli azadlıq hərakatı, İranla sərhəddə baş vermiş proseslər barədə danışıb, bu günün Ulu Öndər Heydər Əliyevin təşəbbüsü ilə 16 dekabr 1991-ci il tarixində Naxçıvan Ali Məclisinin iclasında təsis olunduğunu bildirib. Sonra tələbələrin iştirakı ilə bədii hissə baş tutub, Fizika fakultəsi 3 kurs tələbəsi Könül Quliyeva bir neçə mahnı səsləndirib. Tədbirdə həmçinin Həmrəylik günü ilə baglı videoçarx təqdim olunub.
