Fizika fakültəsində "Bu yaz bir başqa yazdır..." adlı Novruz tədbiri keçirilmişdir
Bu yaz bir başqa yazdır, bu yaz daha da xoşdur,
Vay o qəlbə ki, boşdur!
Hər üfüqdə bir həvəs, hər bucaqda bir umud,
İnsanlar daha mə’sud.
Duyğular daha incə, fikirlər daha dərin,
Ürəklər daha sərin.
İnsanların vüqarı, tələbi daha yüksək,
Yolumuzdan daş, kəsək,
Təmizlənmiş bir az da. Ellərin keyfi sazdır,
Bu yaz, bir başqa yazdır! (Mikayıl Müşfiq)
Bakı Dövlət Universiteti Fizika fakültəsinin Tələbə Həmkarlar İttifaqqı Komitəsinin təşkilatçılığı ilə "Bu yaz bir başqa yazdır" adli online tədbir keçirilib. Tədbir dekan müavini Məhəmməd Məhərrəmovun moderatorluğu, fakültə üzrə sədr müavini Həsənli Nərminin aparıcılığı ilə baş tutmuşdur. Məhəmməd Məhərrəmov builki Novruz Bayramının xüsusilə əlamətdar olduğunu, Ölkəmizin qazandığı böyük Qələbə ilə daha da möhtəşəmləşdiyini qeyd etdi. Tədbirdə THİK-in aktiv üzvlərindən Sənubər Hüseyinli, Səbinə Süleymanova, Zabitə Məmmədova, Əfruz Ismayılova , Səmayə Qasımova , Lalə İsayeva və Aysu Aslanzadə Novruz Bayramı, bu bayramla bağlı olan adət-ənənələr haqqında geniş məlumat vermişlər. Tədbir dekan müavini Məhəmməd Məhərrəmovun çıxışı ilə yekunlaşmışdır.
