Fizika fakültəsində Elmi Şuranın iclası keçirilib
14 mart 2025-ci il tarixində Fizika fakültəsinin Elmi Şurasının növbəti iclası keçirilib. İclasın gündəliyinə aşağıdakı məsələlər daxil edilib:
- Fakültənin 2024-cü ildəki fəaliyyətinə dair hesabat;
- Doktorantların attestasiyası;
- Cari məsələlər.
Elmi Şuranın sədri, fakültə dekanı Bəxtiyar Paşayev iclası açıq elan edərək, Elmi Şuranın iclasının gündəliyini iştirakçılara təqdim etdi. Elmi Şura üzvləri gündəliyi təsdiq etdikdən sonra Bəxtiyar Paşayev əvvəlcə Fizika fakültəsinin 2024-cü il üçün fəaliyyətinə dair hesabatı təqdim etdi. Elmi Şura üzvlərinin açıq səsverməsi ilə hesabat qəbul edildi.
Gündəlikdəki II məsələ ilə bağlı Elmi işlər üzrə dekan müavini Şəhla Hacıyeva məlumat verdi. O, bildirdi ki, Elmi Şuranın müzakirəsinə elmlər doktoru proqramı üzrə Nanomaterialların kimyəvi fizikası kafedrasından Şirinova Həbibə Aslan qızı, Yarımkeçiricilər fizikası kafedrasından Əliyeva Aytən Mövsüm qızı, Fiziki elektronika kafedrasından Məmmədov Vüsal Usub oğlunun növbəti tədris ilinə keçirilməsi və fəlsəfə doktoru proqramı üzrə Yarımkeçiricilər fizikası kafedrasından Məmmədova Turanə Akif qızının attestasiyası məsələsi təqdim olunur. Doktorantlar fəaliyyətləri barədə hesbatı təqdim etdilər. Müzakirələrdən sonra gündəlikdəki məsələ ilə bağlı Elmi Şura tərəfindən müsbət qərar qəbul edildi.
Cari məsələ müzakirə olunduqdan sonra Elmi Şuranın iclası başa çatdı.
