Fizika fakültəsində “Fizik günü” adlı tədbir keçirilib
03 aprel 2023-cü il tarixində Fizika fakültəsində fakültə Tələbə Həmkarlar İttifaqı Komitəsinin təşkilatçılığı ilə “Fizik günü” adlı tədbir keçirilib. Tədbirdə “Nəzəri fizika” kafedrasının müdiri Məmməd Rəcəbov çıxış edərək “Fizik günü” nün tarixi barədə məlumat verib, belə bir bayram xarakterli tədbirin ilk dəfə keçmiş SSRİ-də 1961-ci ildə Moskva Dövlət Universitetinin Fizika fakültəsində keçirildiyini qeyd edib. O, həmin tədbirlərin təşkili, formatı barədə maraqlı məlumatları təqdim edib və bildirib ki, sonralar bu tədbir keçmiş SSRİ-nin bir çox universitetlərində, o cümlədən Bakı Dövlət Universitetində də keçirilmişdir. Hal-hazırda bu ənənənin BDU-da dirçəldilməsi məqəsədəuyğun olardı. Bu məqsədlə, “Fizik günü”nün yeni formatda keçirilməsi üçün təşəbbüs qrupunun yaradılması, ideyalar irəli sürülməsi təklif olundu. Fakültə THİK sədri Lamiyə Həmidova Fizika barədə qısa təqdimatla çıxış etdi. I kurs tələbəsi Aytac Rəsulova “Fizik günü” ilə bağlı hazırladığı maraqlı materialı təqdim etdi.
