Fizika fakültəsində Heydər Əliyevi anma tədbiri keçirilib.
12 dekabr 2023-cü il tarixində Fizika fakültəsində Ümummilli Lider Heydər Əliyevin vəfatının 20-ci ildönümü ilə bağlı anım tədbiri keçirilib. Tədbirdə fakültə müəllimləri və tələbələr iştirak ediblər. ƏvvəlcəAzərbaycan Respublikasının Dövlət Himni səslənib. Sonra Umummilli Lider Heydər Əliyevin və torpaqlarımızın azadlığı uğrunda canından keçmiş şəhidlərimizin əziz xatirəsin bir dəqiqəlik sükutlayad edilib. Tədiri açan Fizika fakültəsi THİK-in sədri Lamiyə Həmidova sözü fakültənin sosial məsələlər və tələbələrlə iş üzrə dekan müavini Məhəmməd Məhərrəmova verib. M.Məhərrəmov xalqımızın uzun əsrlik tarixində Heydər Əliyevin müstəsna yer tutduğunu, bugünkü müstəqil Azərbaycanın qurulmasında və inkişafında onun misilsiz xidmət göstərdiyini qeyd edib.Sonra I kursa tələbəsi Nəzrin Musayeva Ümummilli Liderin həyat və fəaliyyəti barədə danışıb. I kurs tələbəsi Gövhər Müseyibova Heydər Əliyevə həsr olunmuş şer söyləyib. Fakültə tələbələrinin Ulu ÖndərHeydər Əliyev haqqında hazırladığı videoçarx nümayiş olunub, onun çıxışlarından sitatlar səsləndirilib.
Tədbirdən sonra fakültə müəllimlərindən və tələbələrindən bir qrupu BDU kollektivi ilə birgə Fəxri Xiyabana gedərək Ümummilli Lider Heydər Əliyevin məzarını ziyarət edib, gül dəstələri düzüblər.
