Fizika fakültəsində Heydər Əliyevin anım günü keçirilib
12 dekabr 2022-ci il tarixində Fizika fakültəsində Azərbaycan xalqının Ümummilli Lideri Heydər Əlievin Anım günü ilə bağlı tədbir keçirilib. Tədbirin əvvəlində Heydər Əliyevin və torpaqlarımızın azadlığı uğrunda canından keçmiş bütün şəhidlərin xatirəsi bir dəqiqəlik sükutla yad edilib. Tədbiri giriş sözü ilə fakültə dekanı Bəxtiyar Paşayev açaraq, Heydər Əliyevin Azərbaycan xalqının taleyində oynadığı roldan danışdı. Sosial məsələlər və tələbələrlə iş üzrə dekan müavini Məhəmməd Məhərrəmov Heydər Əliyevin dövlətçilik siyasəti, milli kadrların hazırlanmasında və inkişafında, Azərbaycanın müasir diasporasının formalaşmasında gördüyü işlər barədə fikirlərini bildirdi. Fakültənin tələbələri Heydər Əliyevin həyat yolu barədə çıxışlarını təqdim etdilər, ona həsr olunmuş şerlər söylədilər.
