Fizika fakültəsində ilə yekun vurulub
25 dekabr 2022-ci il tarixində Fizika fakültəsinin kollektivi yeni ilin gəlişi və 31 dekabr Dünya Azərbaycanlılarının həmrəylik günü ilə bağlı, eləcə də 2022-ci ilə yekun vurmaq məqsədilə tədbir keçiribdir. Tədbirdə fakültə dekanlğının, lkafedraların əməkdaşları iştirak ediblər. Fakültə dekanı Bəxtiyar Paşayev əməkdaşları qarşıdan gələn 2023-cü il və Dünya Azərbaycanlılarının həmrəylik günü münasibəti ilə təbrik etdi, 2022-ci ildə fakültənin, o cümlədən, ayrı-ayrı kafedraların həyatında baş verən müsbət dəyişikliklərdən, Universitet rəhbərliyinin diqqət və qayğısı sayəsində yığılıb qalmış problemlərin həll olmasından, yeni gənc əməkdaşların müəllim kollektivinə qoşulmasından, elmi tədqiqat və pedaqoji fəaliyyət sahəsində qazanılmış uğurlardan danışdı, görülməli işləri diqqətə çatdırdı. O, qeyd etdi ki, il ərzində 5 nəfər fəlsəfə doktoru, 1 nəfər elmlər doktoru elmi dərəcəsi almaq üzrə dissertasiya müdafiə edib, 2 nəfər professor elmi adını alıb. B. Paşayev 2022-ci ildə Vaqif Salmanovun, Adilə Abbasovanın, Lyudmila Həsənovanın, Məmməd Əliyevin 80, Sacidə Əbdülvahabovanın 75, İsmət Əhmədovun, Əli Hüseynovun, Rəna Qasımovanın 70, Məhəmməd Məhərrəmovun, Tərlan Hüseynovun, Eldar Ələkbərovun 65, Gültəkin Abbasovanın, Məmməd Rəcəbovun, Lətif Əliyevin 60, Şəhla Hacıyevanın 50 illik yubileylərinin qeyd olunduğunu bildirdi. Fakültə kollektivi yubilyarları alqışlarla təbrik etdi. Kafedraların əməkdaşları, fakültə ağsaqqalları öz ürək sözlərini söylədilər. Tədbir canlı musiqinin müşaiyəti ilə keçdi. Fakültənin əməkdaşı Sona Güləhmədova maraqlı musiqi nömrələri ilə çıxış etdi.