Fizika fakültəsində “Zəfər Günü” ilə bağlı tədbir keçirilib
Bakı Dövlət Universiteti Fizika fakultəsi Tələbə Gənclər Təşkilatının təşkilatçılığı “Zəfər Günü”nə həsr olunmuş tədbir keçirilib. Əvvəlcətədbirdə iştirak edən tələbələr Azərbaycan Respublikasının Dövlət Himnini səsləndiriblər.Sonra Azərbaycanın müstəqilliyi və torpaqlarımızın azadlığı uğrunda canından keçən şəhidlərin xatirəsi 1 dəqiqəlik sükutla yad edilib. Fizika fakultəsi sosial məsələlər və tələbələrlə iş üzrə dekan müavini Məhəmməd Məhərrəmov Azərbaycan tarixinin ən şanlı günlərindən biri olan Zəfər Günü haqqında məlumat verib. Tədbirin davamında Fizika fakultəsi SABAH qrupları II kurs tələbəsi Banu İsayeva tədbirlə bağlı slayd səsləndirib, 44 günlük Qarabağ savaşında Azərbaycan Ordusunun möhtəşəm zəfəri barədə danışıb. Daha sonra Fizika Fakultəsi II kurs tələbəsi Cövhər Müseybova şanlı ordumuza həsr olunan şeir səsləndirib. Tədbirin davamında Fizika fakultəsi I kurs tələbəsi İsmayıl Mehdiyev “Qarabağ” mahnısın ifa edib. Tədbir videoçarxın nümayişi iləyekunlaşıb.
