Fizika fakültəsinin müəllimləri orta məktəbdə
28 dekabr 2022-ci il tarixində Fizika fakültəsinin bir qrup müəllimi Suraxanı rayonunda yerləşən Səttar Bəhlulzadə adına xarici dillər təmayüllü gimnaziyada şagird və müəllim kollektivi ilə görüşüblər. Görüş həmin gimnaziyda keçirilən “Fizika ayı” çərçivəsində təşkil olunub. Fizika fakültəsinin məzunu, gimnaziyanın fizika müəllimi Tünzalə Rəsulova qonaqları salamlayaraq, belə görüşlərin gələcəkdə şagirdlərin ixtisas seçimində mühüm rol oynadığını qeyd etdi. Sonra fakültənin Nəzəri fizika kafedrasının müdiri, dosent, fizika-riyaziyyat elmlər namizədi Məmməd Rəcəbov, Astrofizika kafedrasının müdiri, dosent, fizika-riyaziyyat elmlər namizədi Kəmalə Alışeva, Nanomaterialların kimyəvi fizika kafedrasının müəllimi, I kurs dissertant Sara Rəhimzadə Fizika fakültəsi, fizika elmində və tədrisindəki yeniliklər haqqında şagirdlərə ətraflı məlumat verdilər. Görüşdə müzakirələr aparıldı, universitetin əməkdaşları şagirdlərin suallarını cavablandırdılar.
