Fizika fakültəsinin yetirmələrinin Texnofest uğuru
Bakı Dövlət Universitetinin (BDU) “TEKNOFEST-2023” Aerokosmik və Texnologiya Festivalında təmsil olunan komandaları böyük uğur qazanıb.
Belə ki, BDU-nun “BSU Creativity Workz” komandası “Driver’s Eye (avtomobil qəzalarını əvvəlcədən müəyyənləşdirərək sürücünü xəbərdar edən elektron sistem)” layihəsi ilə festivalda I yerə, “Humantek” komandası isə “Ağıllı damla sulama sistemi (torpağın mineral tərkibi, rütubət səviyyəsi, havanın temperaturu və təzyiqi kimi məlumatların toplanaraq mərkəzi stansiyaya naqilsiz ötürülməsi üçün əkin sahələrinin müxtəlif yerlərində günəş enerjisi ilə qidalanan kiçik stansiyalar)” layihəsi ilə III yerə layiq görülüb. Xüsusi fəxrlə qeyd edirik ki, hər iki komandanın üzvləri - İlyas Nəsibov, Reyhanə Mirsultanova, Rəvanə Sadıqlı, Sara Rəhimzadə, Nübar Seyidəliyeva, Jalə Heydərli və Nəzrin Abdullazadə, komandaların elmi rəhbərləri Mahir Pirquliyev və Elşən Nəsirov Fizika fakültəsinin yetirmələridir.
Komandaların üzvlərini və bütün BDU kollektivini təbrik edirik!
