Bakı Dövlət Universiteti Fizika fakültəsi

20 dekabr 2022-ci il tarixində Fizika fakültəsi Fiziki elektronika kafedrasının elmi seminarı keçirilib. Seminarda kafedranın dosenti Mustafa Ağayev “Kontakt şəbəkəsi həndəsəsinin silisium Günəş elementinin fotoenerji parametrlərinə təsiri” mövzusunda məruzə edib. M.Ağayev Al₈₀Ni₂₀ amorf metal ərintisi ilə metallaşdırılmış p-n birləşməsinə əsaslanan günəş elementi (GE) haqqında məlumat verib.Qeyd olunub ki, aparılan tədqiqatlarda daraq şəkilli kontakt şəbəkəsinə malik olan Günəş elementinin volt-amper xarakteristikaları və yük müqavimətində olan gərginlikdən çıxış gücünün asılılıqları çıxarılıb, ön tərəfdən kontakt şəbəkəsinin həndəsəsinin silisium Günəş elementinin parametrlərinə təsiri öyrənilib.