Bakı Dövlət Universiteti Fizika fakültəsi

27 aprel 2023-cü il tarixində Heydər Əliyev adına Müasir Təhsil Kompleksinin  fizika müəllimi, BDU Fizika fakültəsinin məzunu Jalə İsmayılovanın rəhbərliyi ilə 8, 9 və 10- cu siniflərin bir qrup şagirdi Fizika fakültəsində olublar. Qonaqları Fizika fakültəsinin dekanı Bəxtiyar Paşayev qəbul edib, onlara fakültə barədə məlumat verib. Sonra şagirdlər Fiziki elektronika kafedrasının baş müəllimi Şirxan Hümbətovun müşaiyəti ilə Optika və molekulyar fizika, Ümumi fizika və FTM kafedralarındakı tədris laboratoriyalarında, BDU-nun Tədqiqat, İnkişaf və İnnovasiyalar üzrə Mükəmməlik Mərkəzinin Nano Araşdırmalar laboratoriyasında olublar. Şagirdlərə laboratoriyalardakı cihazlar, onların iş prinsipi, laboratoriya işləri, elmi-tədqiqat fəaliyyəti barədə ətraflı məlumat verilib, onlar tərəfindən bəzi laboratoriya təcrübələrinin aparılmasına şərait yaradılıb. Fizika fakültəsi ilə Müasir Təhsil Kompleksi arasında əməkdaşlığın qurulması barədə razılıq əldə olunub.