Bakı Dövlət Universiteti Fizika fakültəsi

17 dekabr və 24 dekabr 2022-ci il tarixlərində Bakı Dövlət Universitetində Azərbaycan Respublikasının Gənclər Fondunun maliyyə dəstəyi ilə keçirilən "İnnovativ Gənc Mühəndislər" layihəsinin seçim turları təşkil edilmişdir. Layihənin seçim turu BDU-nun əsas binasının 437 saylı auditoriyasında Azərbaycan Respublikasının dövlət himninin səsləndirilməsi ilə başlayıb. Sonra ilk olaraq layihə rəhbəri Fizika fakültəsinin doktorantı Orxan Güləhmədov iştirakçıları salamlayaraq onlara layihə haqqında ətraflı məlumat verdikdən sonra çıxış üçün sözü Bakı Dövlət Universitetinin Elmi fəaliyyətin təşkili və İnnovasiyalar mərkəzinin direktoru Mais Süleymanova ötürdü. Mais Süleymanov çıxış edərək layihənin gənclər üçün vacibliyindən və Bakı Dövlət Universitetinin gələcək perspektivləri üçün geniş imkanlardan söhbət açaraq, gəncləri belə layihələrdə aktiv iştirak etməyə çağırdı. Mais Süleymanov iştirakçılara uğurlar arzulayaraq layihənin digər turları haqqında məlumat vermək üçün sözü Orxan Güləhmədova verdi. Orxan Güləhmədov layihənin seçim turları, təlimlər və qaliblərin seçilməsi prinsipləri barəsində bir daha ətraflı şəkildə məlumatları iştirakçıların diqqətinə çatdıraraq onlara seçim turların da uğurlar arzuladı.

Qeyd edək ki, hər iki seçim turunda iştirakçılara 27-si intellektual, 8-i isə elmi - texniki xarakterli suallardan ibarət 4 fərqli variantlarda test tapşırıqları təqdim olunmuşdur. Seçim turları 1 saat ərzində həyata keçirilmiş və hər iki turun nəticələrinə əsasən növbəti - təlim mərhələsinə keçən 20 nəfər iştirakçının adı müəyyən edilmişdir. Aşağıdakı siyahıda qalib olan gənclərin adları əks olunmuşdur.

1. Əliyev Kamil – 31 bal

2. Rəfibəyli Sahib –31 bal

3. İsmayılova Aynur – 28 bal

4. Addayeva Zeynəb –27 bal

5. Qasımov Yusif – 26 bal

6. Rizvanlı Səmədağa –25 bal

7. Məmmədov Hüseyn –25 bal

8. Alxasova Nərmin – 25 bal

9. Hüseynova Yaxşıxanım – 25 bal

10. Cənnətova Aytən – 25 bal

11. Yunusbəyli Nemət – 25 bal

12. Hüseynov Musa – 24 bal

13. Sarıyeva Səidə – 24 bal

14. Rüstəmov Aqşin – 23 bal

15. Əlizadə Tərlan – 22 bal

16. Əlizadə Xəyal – 22 bal

17. Nəbiyev Mənsur –21 bal

18. Tanrıverdiyev Murtuz – 21 bal

19. Yusublu Zeynəb – 21 bal

20. Hüseynli Misir – 20 bal

Növbəti mərhələdə iştirak hüququ qazanmış gənclərə uğurlar arzulayırıq. Təlimlərin keçirilmə vaxtları və yeri haqqında ətraflı məlumat yaxın günlərdə veriləcəkdir.