Müstəqillik Günü ilə bağlı tədbir keçirilib
27 may 2024-cü il tarixində Fizika fakültəsində 28 May Müstəqillik günü ilə bağlı tədbir keçirilib. Tədbirin əvvəlində Azərbaycan Respublikasının Dövlət Himni səslənib və torpaqlarımızın azadlığı uğrunda canından keçmiş şəhidlərimizin xatirəsi bir dəqiqəlik sükutla anılıb. Sonra Fizika fakültəsinin dekanı Bəxtiyar Paşayev Müstəqillik Günü ilə bağlı düşüncələrini tələbələrlə bölüşüb, müstəqilliyin necə baha başa gəlməsi, xalqımızın fədakar ziyalılarının bu yolda canlarından keçmələri barədə danışıb, milli mentalitetimizə xas olan xüsusuiyyətlərin, milli-mənəvi dəyərlərimizin qorunması istiqamətində gənclərimizin üzərinə düşün vəzifələri nəzərə çatdırıb. Sonra I kurs FzM258-ci qrup tələbəsi Nəzrin Musayeva 28 May Müstəqillik Günü barədə tarixi məlumatları iştirakçıların diqqətinə çatdırıb və videoçarx nümayiş olunub.
