Bakı Dövlət Universiteti Fizika fakültəsi

28 noyabr 2024-cü il tarixində Fizika fakultəsinin Nəzəri fizika kafedrasının növbəti elmi seminarı keçirilib. Elmi seminarda kafedranın müəllimi Möhsün Əlizadə “NICA enerjilərində birbaşa fotonların kompton $qg\to q\gamma$ və $q\gamma \to q\gamma$  alt proseslərində proton-proton toqquşmasında alınması“ mövzusunda məruzə edib.

Məruzəçi birbaşa fotonların kompton $qg\to q\gamma$ və $q\gamma \to q\gamma$ alt proseslərində proton-proton toqquşmasında alınmasının tədqiqinin məqsədi, bu məqsədə çatmaq üçün həlli tələb olunan məsələlər və alınmış nəticələr haqqında məlumat verib. O, vacib nəticə olaraq bu alt proseslərin birbaşa fotonların alınması prosesinin tam diferensial en kəsiyində payının kifayət qədər zəruri olduğunu, kvarkın güclü qarşılıqlı təsirin kvantı qluon ilə qarşılıqlı təsirinin kvarkın elektromaqnit sahəsinin kvantı foton ilə qarşılıqlı təsirindən güclü olduğunu qeyd edib.

Məruzə üzrə məlumatlar slaydlar vasitəsi ilə təqdim edilib.

Seminarın sonunda məruzəçi iştirakçıların mövzu ilə bağlı suallarını cavablandırdı.