Bakı Dövlət Universiteti Fizika fakültəsi

13 may 2024-cü il tarixində Binəqədi rayonu Elşad Həmidov adına 267 N-li orta məktəbin 9 və 10-cu siniflərinin bir qrup şagirdi Bakı Dövlət Universitetinin Fizika fakültəsində olublar. Qonaqları Fizika fakültəsinin dekanı Bəxtiyar Paşayev qəbul edib, onlara BDU-nun tarixi, tədris və elmi fəaliyyət barədə, eləcə də Fizika fakültəsi, fakültənin tanınmış məzunları, elmi nailiyyətləri barədə məlumat verib. Sonra şagirdlərin BDU ilə tanışlığı həyata keçirilib. Əvvəlcə onlara Fizika fakültəsinin tədris laboratoriyalarındakı cihazlar, onların iş prinsipi, laboratoriya işləri, elmi-tədqiqat fəaliyyəti barədə ətraflı məlumat verilib, şagirdlər tərəfindən bəzi laboratoriya təcrübələrinin aparılmasına şərait yaradılıb.