“Pi günü” ilə bağlı tədbir keçirilib
"BDU Könüllüləri" təşkilatının nəzdində fəaliyyət göstərən Math-Physics klubunun təşkilatçılığı, Mexanika-riyaziyyat və Fizika fakültələrinin müəllim və tələbələrinin iştirakı ilə 14 mart "Pi gününə" həsr olunmuş tədbir keçirilib.
Tədbir Azərbaycan Respublikasının Dövlət Himninin səslənməsi ilə başlayıb. Giriş sözü ilə Mexanika-Riyaziyyat fakültəsinin dekanı Ziyatxan Əliyev və Fizika fakültəsinin dekanı Bəxtiyar Paşayev çıxış ediblər. Onlar Riyaziyyat və Fizikada Pi ədədinin önəmindən danışıblar. Sonra Math-Physics klubunun sədri Elvira Hüseynzadə çıxış edib. Mexanika-riyaziyyat fakültəsinin I kurs tələbəsi Reyhan Əsədullayeva və Fizika fakültəsinin I kurs tələbəsi Aydan Rüstəmova öz slaydlarını təqdim edib, "Pi ədədinin yaranma tarixi" haqqında və e ədədi haqqında maraqlı faktlar danışıblar. Daha sonra "Pi ədədinin yaranma tarixi" haqqında videoçarx izlənilib.Tədbirdən sonra intellektual yarış keçirilib və qaliblərə sertifikatlar təqdim edilib.
