Professor İngilab Aslanovun zəngin kitabxanası BDU Fizika fakültəsinin Astrofizika kafedrasına bağışlanıb
Bu gun 23 noyabr 2023-cü ildə çox əlamətdar bir hadisə baş verib. Astrofizika kafedrasının mərhum professoru, fizika-riyaziyyat elmləri doktoru İnqilab Aslanovun övladları onun nadir və astrofiziklər üçün qiymətli olan zəngin kitabxanasını BDU Fizika fakültəsinin Astrofizika kafedrasına bağışlayıb.
Ömrünün çox hissəsini astrofizika elminə fəda edən alim İnqilab Aslanov (1936-1997) elmi fəaliyyətini keçmiş Azərbaycan SSR Elmlər Akademiyası Fizika İnstitutunun Şamaxı astronomiya müşahidə stansiyasında başlayıb, laborant, kiçik elmi işçi, böyük elmi işçi, direktor müavini vəzifələrinə qədər yüksəlib. 1981-ci ildən Bakı Dövlət Universitetinin Fizika fakültəsinin Astrofizika kafedrasında dosent vəzifəsində,1992-1997-ci illərdə Astrofizika kafedrasının müdiri vəzifəsində işləyib. O, beynəlxalq təşkilatların ulduz spektroskopiyası üzrə tanınmış alimlər haqqında tərtib olunmuş siyahıya salınan SSRİ-nin iyirmi dörd görkəmli alimi arasında yeganə azərbaycanlı olub.
Bu gün professor İnqilab Aslanovun anım günüdür. Ona Allahdan rəhmət, övladlarına isə can saglığı diləyirik.