Xəzər rayonu 136 saylı tam orta məktəbin şagirdləri Fizika fakültəsində olublar.
30 may 2023-cü il tarixində Xəzər rayonu 136 saylı tam orta məktəbin fizika müəllimi, BDU Fizika fakültəsinin məzunu Fidan Mənsimovanın rəhbərliyi ilə 8 - ci sinif şagirdləri Fizika fakültəsində olublar. Qonaqları Fizika fakültəsinin dekanı Bəxtiyar Paşayev və Nəzəri fizika kafedrasının müdiri Məmməd Rəcəbov qəbul edib, onlara fakültə haqqında məlumatlar veriblər. Sonra şagirdlər Fizika fakültəsinin magistrantı Rağib Dəmirovun müşaiyəti ilə Optika və molekulyar fizika, Yarımkeçiricilər fizikası, Ümumi fizika və FTM kafedralarındakı tədris laboratoriyalarında, BDU-nun Tədqiqat, İnkişaf və İnnovasiyalar üzrə Mükəmməlik Mərkəzinin Nano Araşdırmalar laboratoriyasında olublar. Onlara laboratoriyalardakı cihazlar, cihazların iş prinsipi, laboratoriya işləri, elmi-tədqiqat fəaliyyəti barədə ətraflı məlumat verilib, onlar tərəfindən bəzi eksperimentlərin aparılmasına şərait yaradılıb. Şagirdlər həmçinin BDU-nun Tələbə Elmi-Texniki Yaradıcılıq Mərkəzində də olublar və Mərkəzin fəaliyyəti, əldə olunmuş uğurlar, planlaşdırılan layihələrlə tanış olublar.
