Xocalı faciəsinin qurbanları anılıb
24 fevral 2023-cü il tarixində Fizika fakültəsində Xocalı faciəsinin 31-ci ildönümü ilə bağlı tədbir keçirilib. Tədbir fakültə THİK sədri Lamiyə Həmidovanın moderatorluğu ilə baş tutub. Əvvəlcə Xocalı soyqırımının qurbanlarının və torpaqlarımızın azadlğı uğrunda canlarını fəda etmiş şəhidlərimizin xatirəsi bir dəqiqəlik sükutla yad edilib. Sonra fakültə dekanı Bəxtiyar Paşayev Xocalı faciəsi, ermənilərin Xocalıda törətdikləri vəhşiliklər barədə, belə hadisələrdən çıxarmalı olduğumuz dərslər barədə danışdı. Xocalı faciəsinə həsr olunmuş videoçarx nümayiş olundu. Fakültənin tələbələri Lalə Məmmədova, Xanımbacı Hüseynova, Fatimə Babayeva və Əntiqə İsmayılova Xocalı hadisələri barədə tarixi faktlara əsaslanan məlumatlar verdilər. Tələbələr Arzu Adıgözəlova və Yaxşıxanım Hüseynova Xocalıya həsr olunmuş şer söylədilər.
